ماثل مقابل ZATCA Tools
اختر ZATCA Tools إذا تبي برنامج فوترة جاهز لمنشأتك، أو إضافة لـ Shopify أو WooCommerce أو WHMCS. واختر ماثل إذا عندك برنامج يصدر الفواتير أصلاً وتبي API يرسلها لزاتكا وما يحتفظ بشي. المعلومات عن ZATCA Tools من صفحاتهم نفسها، والمصدر جنب كل معلومة.
| ZATCA Tools | ماثل | |
|---|---|---|
| وش هو | منصة فوترة: تصدر الفواتير وعروض الأسعار وسندات القبض من لوحتهم أو الـ API، مع تقارير. [المصدر] | API بدون تخزين: برنامجك يرسل الفاتورة، وماثل يوقّعها ويرسلها لزاتكا ويرجّع الرد والمستند المختوم. |
| مناسب لمين | منشأة تبي برنامج فوترة جاهز، أو متجر على Shopify أو WooCommerce أو WHMCS. | مطوري برامج الكاشير والمحاسبة اللي تصدر الفواتير أصلاً وتحتاج خطوة الربط مع زاتكا. |
| فواتيرك ومفاتيحك | تُحفظ عندهم: المفاتيح والشهادات مشفّرة في قواعد بياناتهم، والفواتير مؤرشفة. [المصدر] | ما تُحفظ: المفتاح والشهادة والفاتورة المختومة ترجع لك في نفس الرد، وما نخزن شي. |
| السعر | مجاناً أسبوع أو ٥ فواتير؛ Growth بـ ٤٩ ريال شهرياً (فواتير بلا حد)؛ Business بـ ١٤٩ ريال (فروع وأجهزة متعددة). [المصدر] | تجربة مجانية؛ جهاز بـ ٣٩ ريال شهرياً، فريق بـ ١٤٩ (حتى ٥ أجهزة)، شريك بـ ٤٤٩ (حتى ٢٠)؛ فواتير بلا حد. |
| وحدة التسعير | لكل منشأة (حساب). | لكل جهاز إنتاج (EGS). |
| الشركاء (كاشير ومحاسبة) | بوابة شركاء واشتراك التجار بأسعار شركاء؛ الدفع بتحويل بنكي ورفع الإيصال، والتفعيل في أوقات العمل؛ البطاقة و Apple Pay «قريباً». [المصدر] | باقات تشترك فيها بنفسك وتدفع بالبطاقة أو Apple Pay عن طريق Polar؛ ومفتاح واحد لأجهزتك. |
| البداية كمطور | تسجّل، وبعدين تستخدم الـ API. [المصدر] | ترسل فاتورة حقيقية لبوابة المطورين من المتصفح بدون تسجيل؛ ومفتاح تجربة مجاني للـ API. |
| تسجيل الجهاز (CSID) | من لوحة التحكم برمز OTP من بوابة فاتورة. | طلب API واحد: CSR وشهادة الامتثال والفحوصات الستة وشهادة الإنتاج. |
| التكاملات | تطبيق Shopify، وإضافة WooCommerce، وموديول WHMCS، وأداة n8n، و SDK مفتوح. [المصدر] | API عادي بأمثلة cURL و JavaScript و Python و PHP، وبرومبت يكتب الربط بالذكاء الاصطناعي. |
| أدوات ومراجع مجانية | ١٧ أداة مجانية؛ ٦٣ صفحة لأكواد الأخطاء. [الأدوات] [الأخطاء] | فحص الفاتورة بقواعد SDK الهيئة، وفك QR، وقارئ رد زاتكا؛ وشرح ١٨٦ قاعدة بالعربي والإنجليزي، وبيانات مفتوحة على GitHub و Hugging Face. |
متى ZATCA Tools أنسب
- ما عندك مطورين وتبي تصدر فواتير من لوحة تحكم اليوم.
- تبيع على Shopify أو WooCommerce أو WHMCS وتبي إضافة جاهزة.
- تبي عروض الأسعار وسندات القبض والتقارير في نفس المكان.
- تفضّل مزوّد مسجّل في السعودية.
متى ماثل أنسب
- تبني برنامج كاشير أو محاسبة وبيانات الفواتير عندك.
- ما تبي طرف ثالث يمسك مفاتيحك أو يأرشف فواتيرك.
- تبي تجرّب على زاتكا في دقايق بدون تسجيل، وتسجّل الأجهزة بطلب API واحد.
- تسعيرك بالجهاز وتبي تدفع بالبطاقة بدون تحويلات بنكية.
راجعنا صفحات ZATCA Tools المنشورة في ٢٥ أكتوبر ٢٠٢٦. الأسعار والمزايا تتغير؛ إذا فيه شي قديم هنا راسلنا على hello@matheel.app ونصلّحه.