الفاتورة الضريبية (Standard)

من فريق ماثل، مبني على مواصفات الهيئة و SDK 3.4.8 · آخر تحديث

الفاتورة الضريبية هي فاتورة البيع بين المنشآت (B2B)، رمز معاملتها يبدأ بـ 01، فيها بيانات المشتري وتاريخ التوريد، وتعتمدها زاتكا قبل التسليم.

الفاتورة الضريبية (Standard Tax Invoice) تصدر لأغلب معاملات B2B وB2G. تمشي على الاعتماد (clearance): تروح للهيئة أول، وترجع مختومة، وبعدها تتسلّم للمشتري بصيغة XML أو PDF/A-3 فيه الـ XML.

في الـ XML تعرفها من name في cbc:InvoiceTypeCode: أول خانتين 01، والشائع 0100000 مع 388. وتحتاج أشياء ما تحتاجها المبسّطة: اسم المشتري في cac:AccountingCustomerParty، ورقمه الضريبي أو معرّف ثاني، وعنوانه، وتاريخ التوريد في cac:Delivery/cbc:ActualDeliveryDate.

وش يغلط؟ نقص بيانات المشتري هو الأشهر: BR-KSA-42 للاسم، وBR-KSA-81 لو ما فيه رقم ضريبي ولا معرّف ثاني، وBR-KSA-10 للشارع والمدينة والدولة. والنص الرسمي لـ BR-KSA-10 يتكلم عن المشتري الأجنبي، لكن جرّبنا SDK 3.4.8 وطلع ينطبق على المشتري السعودي بعد، ومعه BR-KSA-63 للعنوان الوطني الكامل. وتاريخ التوريد الناقص يعطي BR-KSA-15.

في ماثل ترسل "type": "standard" ومعه buyer (الاسم، والرقم الضريبي، والعنوان)، وماثل يحط تاريخ الإصدار تاريخ توريد، ويعتمد الفاتورة، ويرجع invoice_xml المختوم من الهيئة.

مثال

"buyer": {
  "name": "Compliance Test Buyer",
  "vat_number": "399999999800003",
  "street": "Test Street",
  "building_number": "1234",
  "district": "Test District",
  "city": "Riyadh",
  "postal_code": "12345",
  "country": "SA"
}

أسئلة شائعة

المشتري ما عنده رقم ضريبي، وش أسوي؟

أضف معرّف ثاني للمشتري (مثل السجل التجاري) في PartyIdentification، وإلا تطلع BR-KSA-81.

هل أقدر أعطي المشتري الفاتورة قبل الاعتماد؟

لا. الضريبية تتسلّم للمشتري بعد ما تعتمدها الهيئة، والنسخة النظامية هي المختومة اللي رجعت.

قواعد الهيئة المرتبطة

مصطلحات قريبة

خلّ ماثل يتعامل مع هذا عنك

ماثل يوقّع الفاتورة ويرسلها للهيئة ويمسك العدّاد والهاش بطلب واحد، ويرجّع الـ PDF مع رمز QR.

جرّب ماثل بدون تسجيل توثيق ماثل API